Siéntase sola nel suelu y llora con fuerte llanto. Acurrucada nun requexu escuro del so “llar”, namái pide que ceo-y llegue la      muerte y acabe a la fin el sufrimientu. Ta sola, sola dafechu …y entoncienes…zarra los güeyos.

    Cada minutu, cada segundu una muyer ye maltratada, violada, vexada o insultada en dalguna parte del mundu.

    La llacra del terrorismu domésticu llevó, nel estáu español,  a 72 muyeres en 2004, 62 en 2005 y 30 no que llevamos dende Xineru a Mayu de 2006.

    De toes eses muyeres nun hai qu’escaecer a les inmigrantes “illegales” que pola so situación nun puen denunciar maltratu polo que’l so glayíu queda obligatoriamente escondíu pola falta d’un meru trámite.

     La sinrazón nun se basa namái en datos de muertes…milenta muyeres sufren nesti intre la tortura de tener nel so propiu llar al so verdugu.

    Nestos díes nos que’l terrorismu da tantu que falar en televisión y demás medios de “comunicación” debemos planteganos qué ye rialmente eso.

    Si terrorismu ye causar terror nun seyamos cegaratos y veamos la violencia de xéneru como eso, terror.

• - El 70% de les muyeres asesinaes nel mundu sonlo a manes de les sos pareyes o ex pareyes.

• - En manches de les veces ser acusada d’infidelidá ye causa de llapidación pa milenta muyeres n’África

• - El 60% de les neñes africanes sofren ablaciones sufriendo dolores y deformaciones xenitales de por vida, amás de contrayer enfermedaes incurables.

• - Los datos asoleyen qu’ente un 35% y un 40% de muyeres que viven en pareya sufren malos tratos físicos o psíquicos por parte del home.

• - La violencia na familia ye la primera causa de muerte y de minusvalía pa munches muyeres, por enriba del cáncanu y los accidentes de tráficu.

• - Namái 1 de cada 1.000 muyeres denuncia malos tratos.

• - Un 98% de les muyeres que muerren a manes de les sos pareyas o ex pareyes denunciaren con anterioridá.

• - El 80% de los casos de maltratu que lleguen a instituciones nun anicien trámite xudicial dalgún

• - Cada vez más, se dan casos de violencia de xéneru ente adolescentes a les sos moces.

    Queremos lleis xustes darréu, que se protexa a les muyeres d’una forma real, que nun haiga impunidá y que dexen d’esistir roles machistes na nuesa sociedá.

 Ye cosa de toos y toes torgar  que se torne a derramar el sangre inocente d’una muyer únicamente culpable d’amar fasta la muerte a la so pareya.