Tablas solunares para la pesca. Mi experiencia sobre estas tablas.

Pescas entre 1971-1984. Eran outros tempos onde pescar esa fonte de troitas que ten o meu compañeiro Félix era o máis normal, sobre 20 troitas. Pola aquela época pescamos moito o río Limia pola Herdadiña onde está feita a fotografía e Aceredo, do mellor da Provincia de Ourense, hoxe baixo o encoro de Lindoso. ¡Unha aberración!.

É de xustiza dicir que as primeiras táboas solunares datan de 1934 e foron publicadas por John Alden Knight por primeira vez nese ano nos EEUU, en España publícanse desde 1955. Este americano, entusiasta da caza e a pesca e gran observador da natureza, intrigado polos continuas cambios de actividade, atopou, unha explicación, á marxe das influencias metereolóXicas e outros condicionantes do medio ambiente.

A súa conclusión é que a atracción conxunta do Sol e a lúa, causa das mareas, inflúe tamén na actividade dos peixes, en especial, na necesidade de buscarse alimento. A tales momentos chamounos períodos solunares.

As citadas táboas marcan por horas os períodos de maior actividade, con relación a outros períodos do día.

O autor chegou tamén á conclusión de que polo menos en España os mellores períodos son os comprendidos entre o cuarto menguante e a lúa nova, sobre todo na pesca da troita, salmón e o lucio.

Ata aquí un pequeno resumo desta teoría.

A miña opinión:

No ano 1968 chegaron ás miñas mans estas táboas e propúxenme abrir unha investigación para ver, polo menos empíricamente, que había de certo no anterior. A miña investigación comenceina no ano 1971 ata 1984 ( non tendo datos de 1978-79, xa que non estiven en Galicia neses anos). En todas as xornadas de pesca fun anotando: río, tramo, nº de troitas, cebo, condicións atmosféricas, período de lúa, cebos empregados, estado da auga e observacións persoais.

De cada xornada de pesca anotaba ou anotei durante máis de trece anos estos datos, aparte dos datos de cebo, xa que tamén levei unha estadística de moscas, ver un exemplo:

Estadística do ano 1984, primeira folla. Foi un mal ano de pesca ?? 13,5 de media ata maio naqueles tempos era malo hoxe conformaríame coa décima parte, dúas troitas de medida sempre...

Estos cuadernillos, non sei como, nos traslados de casa desapareceron...Unha mágoa...

Os datos da miña experiencia son os seguintes:

As miñas mellores pescatas (tanto en número como en pícadas, é dicir en actividade) de troitas, fíxenas coa lúa en carto menguante, concretamente o 3º, 4º e 5º día entre cuarto menguante e a lúa nova.

Tendo en conta o dato anterior e coa única pretensión de que estos datos sexan útiles incluio neste traballo unha das moitas fórmulas que existen para este cálculo:

http://solunar.ebierzo.com/?page_id=2

Por suposto existen outras tablas como as de John Alden e Jacqueline E. Knight que publica Hispano Europea tódolos anos, costaban 4 € e están adaptadas a España.

Persoalmente eran as que utilizaba sempre.

Subir.

A presión atmosférica	Unha baixada de presión é sempre o inimigo nº 1 do pescador. Tamén os cambios bruscos non son bós.
A temperatura ambiente.	Evidentemente si a temperatura é moi baixa, sobre todo a da auga os peixes teñen menos actividade.
O vento.	Vento norte moi malo. Vento sur-suroeste bon, sempre que non sexa forte. As beiras nas que da o vento son as mellores.
Condicións do lugar.	Unha enchenta é mala, o mismo unha baixada moi brusca. Por eso onde hai minicentrais ou encoros non hai maneira de controlar o chollo.
Momentos do ano.	O mellores meses para a troita son abril, maio e xuño. Son os máis estables. Persoalmente cando se podía pescar o saltón, no verán, para mín xullo era o mes preferido. Nunca esquecerei un día no río Arenteiro, pola zona de Seoane, onde fai uns anos se envelenou, as doce da mañá tuven que voltar para casa, non tiña onde meter as troitas e so eran 18. Era o mes de xullo e soio entraban troitas de 300 grs. para arriba... por suposto foi a miña maior pescata...eran, repito outros tempos, onde non había cupo, había poucos pescadores e moitas moitísimas troitas...