¡INDIGNÁDEVOS  XA!  COA POLÍTICA QUE SE FAI COA NOSA NATUREZA. ¡NON A INCINERADORA  NO   IRIXO!    ------------------------------------------------------------------------------------- Este é o cartel dos que se opoñen a incineradora, cartel co que estou dacordo.       A miña opinión sobre a implantación en O Irixo dun complexo para incinerar 1/3 das basuras xeradas en Galicia é totalmente negativa. Primeiro xa que estou en contra da incineración, método que vexo do século pasado, malo, pouco eficiente e moi contaminante  e segundo  xa que se trata dunha zona Irixo, principalmente, pero que afecta a Lalín, Dozón, o Carballiño e outros lugares  que se van ver totalmente afectados e non vai a contribuir a beneficiar en nada o seu desenrolo, tanto agrario , como ganadeiro, de agroalimentación e por suposto o desenrolo turístico. En total vai ocupar 50 ha. Vai incinerar sobre 366.000 toneladas de basura o ano (actualmente Cerceda ten unha capacidade de 700.000 e está ubicada en 66,5 ha.). Incineradora de Cerceda actualmente en uso.  Galicia xera 1,2 millóns de Tm./ano de residuos (cada persoa produce una media de 1,2  Kg./día ); 700.000 Tm./ano é a capacidade de  Cerceda e no Irixo preténdese tratar o resto, que serían residuos da zona sur de Galicia.       O sistema actual, o que se aplica en Cerceda,  soio recicla un 8%, incinera un 38% e almacena un 54% en vertedeiros da zona.      A alternativa que ten a xunta a incineración  é o reciclaxe (reducción, reutilización e reciclaxe)  e tódalas técnicas que leva emparexadas e que realmente poden crear empleo é por suposto I+D+I do que tan falto está a nosa Galicia e o noso medio Ambiente. Alternativa que non pensa seguir. A Xunta actual,  o medio ambiente tenlle sin cuidado, fai o mínimo, por non ter, no hai nin Consellería de Medio Ambiente, hai que aforrar...dicen...Eu o que digo é que resulta máis barato non facer nada...     Os ríos da zona, xa medio defenestrados,  van a verse afectados, si esta incineradora se leva a cabo. Pola zona temos o río Viñao, o Arenteiro e o Avia que quedarán, os poucos anos,  terriblemente afectados. O mismo lle vai pasar os acuíferos...     A xente debe saber que unha incineradora trae consigo unha contaminación incrible en canto o aire, as augas tanto dos ríos como das fontes e a terra xa que unha parte importante, os resíduos  e as cinzas quedarán na zona. A incineradora crea uns residuos en forma de cinzas (con cantidade de metales e velenos...), sumamente peligrosas, que almacena na zona. Únicamente se recicla un 8% e o 54% queda na zona en vertedeiros. Pola contra pola a súa cheminea escupe fumes contaminantes que defenestran a zona en moitos kms. o redor. O da producción de enerxía é unha coña que nos contan; falan de electricidade xerada para unha cidade de  60.000 fogares (a conta de estragar a zona e a saúde dos habitantes; menudo precio) ...Os 250 postos de traballo non xustifican a desfeita da zona...supoñendo que realmente sexa certo o dos postos, eu non me fiaría... Habería que cuantificar os que se perderán na zona, que serán moitos; veremos quen quere vivir na zona unha vez implantada a incineradora.... De levarse a cabo a incineradora, en moitos kms. a redonda haberá unha perda incrible nas propiedades e na posta en valor agraria, ganadeira,  agroalimenticia e por suposto no turismo, con perdas incalculables...        Todo eso hai que cuantificalo, explicitalo e contarllo a xente. Non hai que enganar como se fai nestos casos. Diñeiro para hoxe, pouco, e fame, moita fame para mañán... Ver o esquema da montaxe que se vai facer: Primeiro onde se vai facer e cales son os cartos do complexo:  vai a facerse en O Irixo (Ourense) Estos son os datos da inversión.       O procedimento a seguir é o que se leva actualmente en Cerceda, que vai esquemáticamente dende que se recolle o liso, de forma selectiva ou non, logo se leva as plantas de trasferencia (ver o mapa delas en Ourense), seguidamente en camións e prensadas se levaría a O Irixo onde por un lado os residuos que veñen nas bolsas amarelas se clasifican e envian a centros recicladores (soio o 8% de momento) e o resto transfórmase en CDR para alimentar a planta termoeléctrica ou incineradora; a producción eléctrica vai a rede e os residuos o aire, a auga  e a terra en vertedeiros especiais, que máis  tarde ou cedo acabarán nos regatos e fontes da zona.      Ollo o dato que repito, soio se recicla sobre o 8%,  incinérase un 38% do que chega e o resto un 54% máis os residuos da incineración almacénanse na zona en vertedeiros. Cuidado con este dato e que se preparen os acuíferos da zona, os ríos e o terreo. Unha auténtica peste... Ver esquema: a litografía é de Milena  Plata Arrieta e esta sacada do diario La Región do día 8 de xaneiro de 2012. Continuación co proceso dende as plantas de tranferencia e en camións compactadas a carga levaríanse a Irixo. Estas son as plantas que hai hoxe en Ourense. Toda unha montaxe de sacar cartos... O proceso final, leva consigo os centros recicladores que son poucos xa que se está a reciclar  un 8%, que é unha miseria. Logo preparase o lixo para a planta termoeléctrica e incineradora. . Está é a planta incineradora. Observar a recollida de escorias,  sumamente peligrosa e que queda na zona e o fume da cheminea,  que leva de todo dende dioxinas a furanos que vai caer nas terras do lugar, nas fontes e nos ríos, contaminando o que toca. Tan peligrosos son estas dioxinas e furanos que emiten estos fumes que a lexislación actual marca que se tomarán medidas semestralmente para estudiar os mesmos. Casi nada. Logo xa se sabe como se toman as medidas, atendendo o bolsillo e as xentes que viven na zona que os parta un raio. "Poderoso cabaleiro é don Diñeiro"... A este tema fai alusión Julio Barea nun artigo que poño o final.     O tema, aparte de que o sistema soio recicla o 8%,  está nas escorias, as dioxinas e os furanos,  que son altamente peligrosas e que quedan almacenadas na zona? , eu non me fio nada da actual Consellería de Infraestructuras-Medio Ambiente e non sei que máis, de como actuarán os fumes que plancharán a zona e dependendo dos ventos poden chegar moi lonxe.    O meu Non,  creo que está clarísimo, a Xunta non debera incinerar. Xa é un procedemento do século pasado. Hoxe a natureza demanda outra especialización...    Ademais, o tema de incinerar  pecha as portas, durante moitos anos,  o que se debe facer xa que son as tres erres de "reducir,  reutilizar e reciclar". O meu NON está claro e xustificado.        Para rematar e resumindo moito, remito a un artigo de Etelvino Blanco  que suscribo plenamente e que me leva a decir, outra vez,   NON A INCINERADORA DE IRIXO. non graciñas como dice Etelvino. Tamén remito a un artigo de Julio Barea que é o responsable da campaña de enerxía e residuos de Greenpeace de España, toda unha autoridade na materia e que deixa ben claro o engano que supón unha planta incineradora no Irixo ou en calquera lugar do mundo. E finalmente a un resumen, que pon os pelos de punta,  do informe de InVS sobre as incidencias de cáncer nas zonas onde se instalan as incineradoras.   Aquí pretenden poñer a planta incineradora. A fotografía é de Brais Lorenzo. Por si non se lee ben, pulsar aquí O artigo está sacado do Faro de Vigo do día 27 de xaneiro de 2012. Aparece na páxina tres.   Artigo do Instituto de Vixilancia Sanitaria Francés (InVS)  publicado no ano 2008 e referido as incineradoras. O artigo está sacado do Faro de Vigo do día 27 de xaneiro de 2012. Aparece na páxina dúas. Sobre este estudio tes este artigo neste link. Tamén podes acceder o estudio completo, realizado polo InVS, sobre unha mostra de 2.487. 274 persoas e que para mín é definitivo e motivo máis que suficiente para loitar por un: NON A INCINERADORA DO IRIXO. Ver este traballo marabilloso de Manuel Busto. Manuel Busto Galego é autor dun blogs especial "Aquam Latam" que conta moitas cousas de "Agolada, auga levada", por certo non moi lonxe do Irixo. Merece a pena velo e namorarse, sentir con fotografías e textos sensacionais o que el mismo dice "a emoción de redescubrir a terra que me criou e a de presentarvos o extenso patrimonio que alberga".     Saír.