| |
|
ACTIVIDAES |
|
>> Nesti apartáu atoparás les
actividaes que Xorrecer faiga en rellación a los obxetivos
que nagua por algamar |
|
|
|
(21/11/07) II Xornaes escontra'l
terrorismu de xéneru |
 Un
añu más dende Xorrecer, coleutivu escontra’l terrorismu de
xéneru, entamaremos les “Xornaes escontra’l terrorismu
de xéneru”.
Nestes xornaes naguamos por concienciar a la xente
d’Asturies sobre un de los milenta problemes que la muyer, y
tamién homes munches vegaes escaecidos, tienen qu’afrontar: el
terrorismu de xéneru.
Un mou de terrorismu nel que tamos avezaos a que nun
s’analicen les sos causes y consecuencies, quedando les
víctimes de la violencia como una noticia sensacionalista más
nos medios de comunicación
Ye pa eso, pa intentar dar un mensaxe alternativu al que faen
los medios ya instituciones, polo que faedremos dellos actos
que xiren alrodiu del 25 de Payares, día internacional
escontra la violencia sexista.
Los actos son los siguientes:
Xueves 22
18.00 – Charra/Alderique: Muyer y violencia de xéneru nel
mundiu y cultures.
- Colombia y Llatinoamérica (Asociación colombiana de
estudiantes universitarixs)
- Cultura gitana (Asociación gitana de Xixón).
20.00 – Proyeición: Del olvido a la memoria, presas de
Franco.
Les dos actividaes sedrán nel Centru Social Sestaferia
de Xixón (C/Numa Gilhou)
Vienres 23
20.00 – Segundu conciertu escontra’l terrorismu de xéneru.
- Falanoncaduca (Soníu mecigayu d’Asturies)
- Chalaneru Sound (Reggae soundsystem d’Uviéu)
- A Sangre Fría (Punk-Oi! Antifacista de Xixón)
- Skontra (Punk-Folk d’Asturies) (Nesta ocasión presentarán
los temes del so prósimu discu)
Preciu: 4 €, que sedrán destinaos a
autoxestionar estes xornaes.
Llugar: Nuevo Savoy (C/Pelayo, Xixón)
00.30 – Folixa Antisexista.
La folixa tará amenizada pol Dj Xaimuku.
Llugar: El Bache (C/Almacenes, Xixón)
Domingu 25 (Día internacional escontra la
violencia de xéneru)
18.00 – Concentración escontra’l terrorismu de xéneru.
Tamién tendrá llugar na mesma concentración una Performance
fecha pol grupu artísticu “La Mustadiella”
Llugar: Plaza’l Parchís, Xixón.
|
|
(15/11/07) Sofitamos los actos del
20-P |
 Dende
Xorrecer sofitaremos los actos que la Coordinadora
Antifacista d'Asturies entamará col cabudañu de la muerte
del dictaor Franco.
Creyemos que'l facismu de la dictaura foi una atrasu pa la
llucha les muyeres, implantándose un réximen sexista
adoctrinante onde la muyer foi una clara víctima de la
violencia física y psicolóxica qu'esti réximen difundía.
Creyemos que'l llegau sexista
del franquismu sigue vixente na sociedá neolliberal d'anguañu,
sufriendo la muyer les consecuencies heredaes pol franquismu
(sumisión, violencia...) y les de la "democracia" (esplotación
llaboral, diferencies salariales, consumismu sexista...)
Por eso naguamos pola llucha
con memoria y participaremos na manifestación del prósimu 17
de Payares, pa nun escaecer lo que'l franquismu fizo a la
muyer y lo que'l facismu neolliberal d'anguañu sigue faciendo.
¡NON PASARÁN!
|
|
(30/5/07) Xorrecer
participó nos actos presentación de la Coordinadora
Antifacista d'Asturies. |
 Dende
Xorrecer tuvimos collaborando col programa de radiu fechu na
presentación de la Coordinadora Antifacista d'Asturies.
La nuesa participación foi la de
insertar una cuña radiofónica desplicando cuáles son los
principios del coleutivu y la nuesa posición respeutu al
terrorismu de xéneru.
Amás, dende Xorrecer, sofitamos
a la Coordinadora defenfiendo que'l facismu y el capitalismu
son modelos económico-sociales basaos na desigualdá ente sexos
y nuna función de sumisión de la muyer, por eso debemos
desendolcar una llucha escontra esos sistemes que son una
causa más de la opresión de la muyer y del terrorismu de
xéneru.
>> Escuchar cuña radiofónica
|
|
(9/3/07) Xorrecer participará nos actos del día de la
muyer trabayadora esti Sábadu 10 en Candás. |
 Esti
Sábadu 10 de Marzu, taremos participando nos actos del día de
la muyer trabayaora qu'entamen "Mocedá d'Andecha Astur".
L'actu consistirá nel visionáu d'un vidiu y
dempués un alderique. Xorrecer taremos participando dando una
charra sobre violencia de xéneru.
L'actu entamará a les 18:30 y sedrá
nel llar d'andecha de Candás. |
|
(17/1/07) Xorrecer asoleya les sos primeres pegadielles. |
 Col
testu "Escontra'l terrorismu de xéneru... Dengún pasu
p'atrás!!!" asoleyamos les nueses primeres pegadielles,
coles qu'espardiremos la nuesa imaxen y denunciaremos el
terrorismu de xéneru a nivel de cai.
Si queréis que vos apurramos dalgunes pegadielles nun duldies
en mandanos un correu a:
asociacionxorrecer@hotmail.com.
|
|
(3/1/07) Xorrecer denuncia públicamente les víctimes
causaes pol terrorismu de xéneru nel Estáu Español en 2006. |
|
Ayeri
el coleutivu Xorrecer ficimos un actu de denuncia onde
públicamente quisimos informar a la soeciedá xixonesa de
les víctimes que'l terrorismu de xéneru causó nel recién fináu
añu 2006.
L'actu consistió en colocar una pancarta nun
puente de l'autovía de Xixón (Avda. Principe d'Asturies)
col testu "2006: 84 muyeres asesinaes". Con esti
mensaxe de denuncia algamamos informar a tola xente que pase
pola concurrida autovía lo que el terrorismu de xéneru causó
l'añu pasáu.
Aprovechamos tamién pa denunciar el silenciu
que dende'l Ministeriu del Interior y les instituciones faése
a esta llacra social ya que de les 84 víctimes solo fueron
reconocíes
68 como "oficiales" silenciando munchos más casos.
>> (Llista con tolos datos de les
muyeres asesinaes en 2006)
>> (Ver comunicáu de Xorrecer)
>> (Ver semeyes)
|
|
(27/11/06) Ya finaron les "Primeres Xornaes escontra'l
terrorismu de xéneru" |
 Ayeri
domingu 26 de Payares, piesyabense les "Xornaes
escontra'l terrorismu de Xéneru" col caberu actu del
fin de selmana, el visionáu del curtiu "Amores que
matan" y una charra-alderique sobre violencia de
xéneru, les sos causes, consecuencies, tipos, etc.
Foi un fin de selmana de trabayu pa nos, pero
del que salimos totalmente satisfechos, comprobando cómo ye
posible entamar uno actos pa denunciar el terrorismu de xéneru
d'una manera completamente alternativa, al marxen de
les instituciones y demás actos gubernamentales que se vieron
el día 24 y 25 de Payares.
Dende "Xorrecer" un colleutivu
independiente, autoxestionáu y con mui pocu tiempu de
furrulamientu paécenos que lo que llogramos foi de gran
importancia, pero nun ye tiempu d'echase flores y dexar de
trabayar, hai que siguir denunciando y concienciando sobre la
llacra del terrorismu de xéneru.
Pa finar, agradecer a toes y toos los que
fueron a los nuesos actos, asina como los grupos que tocaron
nel conciertu, los llugares onde ficimos los actos y la
persona que sofitónos dando la charra.
Nel menor tiempu posible prepararemos un
vidiu con tolos actos d'estes "Primeres Xornaes escontra'l
terrorismu de xéneru"
El prósimu añu a poles segundes.
|
|
(26/11/06) Güei visonáu de curtiu, charra ya alderique
nel Centru Social Sestaferia de Xixón. |
 Güei
piesyanse les "Primeres Xornaes escontra'l terrorismu de
xéneru" feches n'Asturies. L'última actividá de toos estos
actos sedrá el visionáu del curtiu "Amores que matan"
de Iciar Bollain, una charra sobre terrorismu de xéneru y un
alderique.L'actividá sedrá a les
19:00 nel Centru Social Sestaferia de Xixón
(Cai Nulma Gilhou, frenti a la plaza'l presi)
|
|
(26/11/06) Sobre 50 persones na concentración escontra'l
terrorismu de xéneru. |
|
Ayeri 25 de Payares, día internacional escontra
la violencia de xéneru, unes 50 persones acercáronse a la
nuesa concentración p'amosar la so refuga al terrorismu de
xéneru. Na concentración convocada a
les 18:00 hores na plaza'l parchís de Xixón, fízose un actu
de denuncia onde se pusieron nel suelu dos figures blanques
que poníen dalgunos de los datos que causa esta llacra en
tol mundiu. Dempués un miembru de xorrecer leyó un comunicau
reflexionando sobre esti día.
(Lleer les octavilles repartíes)
<> (Lleer
intervención)
|
|
(25/11/06) Güei concentración escontra'l terrorismu de
xéneru en Xixón. |
 Güei,
Día internacional escontra la violencia de xéneru, tendrá
llugar el segundu actu de les "Xornaes escontra'l terrorismu
de xéneru"L'enventu onsistirá nuna
concentración y un actu pa denunciar les víctimes mundiales
que'l maltratu a la muyer causa en tol mundiu.
Sedrá a les 18:00 na Plaza'l Parchís de
Xixón. |
|
(25/11/06) Más de 200 persones nel primer conciertu
escontra'l terrorismu de xéneru fechu n'Asturies. |
|
Perbona rempuesta de la xente al primer actu de
les "Xornaes escontra'l terrorismu de xéneru".
Ayeri na Sala Savoy de Xixón xuntáronse más de
200 persones nel primer conciertu entamáu n'asturies
escontra'l terrorismu de xéneru. Nun paró de llegar xente en
tola nuechi, n'un conciertu nel qu'abrieron los xixones
Ásperos, siguidos del Hip Hop de K-Nalón ya'l Punk-Folk
d'Skontra, pa finar col Ska-reggae de La Tarrancha.
Dende equí damo-yos les gracies a tola xente
que tuve ayeri distrutando del conciertu asina como a los
grupos que tocaron pa la nuesa causa.
|
|
(22/11/06) Güei entrevista a Xorrecer na emisora llibre
de Madrid "Radio Elo" |
Güei entre les 21:00 y les 22:00 la radio
llibre madrilana "Radio Elo" faedrá un programa dedicáu a la
violencia de xéneru.
Ente los participantes nel programa taremos
xente de Xorrecer, ya que mos faedrán una entrevista
telefónica al entamu del programa, onde esplicaremos coses
sobre'l terrorismu de xéneru y falaremos de les nueses
xornaes qu'entamarán esti Vienres 24 de Payares.
La emisora pue sintonizase por internet na
siguiente direición:
www.radioelo.org
Ensin más damo-yos les gracies a esta radio
llibre por ponese en contautu con nos y esperemos que vos
preste'l programa.
|
|
(11/11/06) Xorrecer entama les "Primeres xornaes
escontra'l terrorismu de xéneru" |
|
Tres
munchos meses de trabayu queremos informavos de qu'esti añu
el Día internacional escontra la violencia de xéneru
(25 de Payares) sedrá diferente, porque esti añu sedrá la
primer vegada qu'un colleutivu independiente ya
autoxestionáu entama unos actos propios pa esi día.
Baxu'l nome de "Primeres xornaes escontra'l terrorismu
de xéneru" dende Xorrecer, presentamos los nuesos
actos que duraran el fin de selmana del 24 al 26 de Payares.
Consideramos perimportante entamar unos
alcuentros que vayan más allá de la típica concentración
institucional, por eso el motivu de les nueses xornaes, onde
de forma orixinal a lo llargu de los tres díes, mostraremos
la nuesa refuga al terrorismu de xéneru con unos actos
variaos y concienciadores.
Pal primer día 24 de Payares, les
xornaes entamaran col primer conciertu escontra la violencia
de xéneru fechu n'Asturies. Los encargaos d'amenizar esi día
sedrán los grupos K-Nalon, Ásperos, La Tarrancha y
Skontra. El llugar la Sala Savoy de Xixón, a les
19:30 la apertura de puertas con entamu a les 20:00 y por un
preciu de 3 €.
Pal sábadu 25 de Payares (Día
internacional escontra la violencia de xéneru). El nuesu
actu consistirá nuna concentración y performance denunciando
les víctimes mundiales del terrorismu de xéneru. Sedrá a les
18:00 na Plaza'l Parchís de Xixón.
Y por últimu el domingu 26 de Payares,
pa piesyar les xornaes, visionáu d'un curtiu, charra ya
alderique nel Centru Social Sestaferia, a les 19:00.
Páxina oficial de les xornaes:
www.galeon.com/xornaesalgama/entamu.html
|
|
(9/11/06)Xorrecer denuncia los
actos de la AVT pa’l 25 de Payares y envía un carta pidiendo
la suspensión de ellos. |
|
El prósimu sábado 25 de
Payares, ye’l día internacional escontra la violencia de
xéneru, día onde miles de presones salen a manifestarse nes
cais espresando la so refuga escontra esta llacra social.
Pero esti añu, nel Estáu
Español, hai una diferencia a los otros. Nesti 2006 la
asociación de Víctimes del Terrorismu (AVT) convocará,
p’esta fecha tan señalada nel calendario de toos y toes les
que lluchen pola igualdá y escontra la violencia de xéneru,
una manifestación en Madrid pidiendo que’l gobiernu frene’l
procesu de paz n’Euskal Herria.
Parecemos rialmente
repulsivu qu’esta asociación convoque los sos actos el día
internacional escontra la violencia de xéneru. Fae pensar
que nun tienen en cuenta les 500 muyeres muertes dende 1999
cuando ETA lleva años ensin matar. Tamién dase la paradoxa
de que nes sos concentraciones, actos, manifestaciones… pue
vese ondeando banderes franquistas amás de dir acompañaos de
presones vinculaes a la extrema drecha como ocurrió fae unos
díes “Ricardo Sáenz de Ynestrillas, acompañó xunto a la so
familia, toes les protestes de la AVT y de la Plataforma
España y Libertad, un seutor de la extrema drecha”
Si se faen llamar
“Asociación de Víctimes del terrorismu” ¿Por qué nun sofiten
la llucha escontra esti otru terrorismu? ¿Acaso nun existe
un terrorismu mundial y onde nun hai tregua llamáu
terrorismu de xéneru?
Ensin dudia acusamos a la asociación de querer silenciar a
les miles de muyeres muertes pola violencia sexista nel
mundiu enteru, voces que nun se pueden escuchar ya que nun
s’atopen con nos, pero que nun día de rechazu mundial como’l
Día Internacional contra la Violencia de Xéneru, la sociedá
entera pue pronunciales.
Ye por eso que esiximos a
la AVT que suspenda los sos actos pal día 25 de Payares por
respetu a les víctimes del terrorismu de xéneru, ya que de
lo contrariu tarien encubriendo esta llacra social.
La siguiente carta-yos
foi unviada dende Algama pidiendo la suspensión de dichos
actos.
(pulsa-y pa ver la carta)
|
|
(28/9/06) Ya ta disponible'l foru de Xorrecer |
|
Dende güei ya furrula el foru de Xorrecer. Nel
que se pondrán noticies, convocatories, coses rellacionaes
con Algama...... Ye un foru abiertu y pue participar quien
quiera.
|
|
(20/9/06) Nueves descargues na sección de relatos y
documentos |
 Incluimos
un poema escritu por una muyer indíxena reclamando los sos
drechos.La defensa de la igualdad
ye daqué global y nun conoz barreres ni fronteres, por eso
incluimos esti poema llegáu dende'l otru llau del charcu
qu'aboga por respetar la vida humana y los drechos humanos.
Nun hay qu'escaecer la gran discriminación
a la qu'enfréntanse estes muyeres n'América Latina y dende
Algama solidarizámonos cola llucha pola lliberación de los
pueblos oprimíos y cola valentía que demuestren toos y toes
les indíxenes.
Tamién nel apartáu de Documentos
incluyimos una entrevista a Miguel Lorente un de los
facultativos pioneros nel Estáu español na investigación de
la violencia escontra les muyeres, y un textu sobre por qué
los maltratadores suicidense tres asesinar a la so pareya.
|
|
(9/9/06) Agradecimientos de Xorrecer |
|
Dende "Xorrecer" queremos dar abondes gracies a toes les
organizaciones, colleutivos, asociaciones, medios
contrainformativos, persones individuales... que dende un
entamu ofrecieronmos el so sofitu.
Damos-yos les gracies porque cola so ayuda y el nuesu trabayu
pocu a pocu tamos faciendo camín nesti llargu recorríu por
algamar una sociedá xusta ya igualitaria.
Una vegada màs GRACIES
>> Ver comunicáu << |
|
(8/9/06)Nueva encuesta de Xorrecer na nuesa web |
 Cuerren
los meses d'esti añu 2006 y ya son 59 les muyeres víctimes
del terrorismu domésticu. Camuden leyes pa prevenir la
violencia de xéneru, pero les nueves muertes siguen ehí cada
selmana en cada pueblu. Dende la nuesa web queremos
ofreceros una encuesta pa saber lo que opina la xente
asturiana sobre la siguiente entruga: "¿Cuál crees que ye la
meyor medida a tomar escontra la violencia hacia la muyer?"
Podéis retrucar cualquiera de les opciones y escribir
comentarios pa expresar meyor les vueses opiniones.
|
|
(8/8/06) Novedaes na web |
|
Estos díes tuvimos actualizando la web
corrixiendo los errores qu'había. Amás d'eso ya ta
disponible l'apartáu d'igualdá n'hestoria, nel que diremos
añadiendo nueves coses cada pocu, y l'apartáu de Documentos
dispón de nuevos textos pa descargar. |
|
|
|
(2/8/06) Denunciamos les mentires del Ministeriu del
Interior sobre'l terrorismu domésticu |
 Según
los datos "oficiales" del Ministeriu del Interior, son 43
les muyeres víctimes del terrorismu domésticu no que va
d'esti añu 2006. Dende "Xorrecer" queremos denunciar
qu'el Ministeriu "tape" más casos de muertes pol motivu de
la violencia de xéneru, ¿Por qué el Ministeriu del Interior
nun contabiliza les muertes por agresiones sexuales, por
tráficu de muyeres o por otres rellaciones familiares que
nun seyen pareyes y ex-pareyes? Cuntando estos casos son
51 les muyeres muertes. Denunciamos el silenciu que fae
el Ministeriu del Interior con estes otres víctimes, que
aunque nun seyen d'un ámbitu domésticu son iguales víctimes
del terrorismu machista, del silenciu de la sociedá y de les
instituciones que quieren silenciar.
Per otru llau l'organización independiente Red feminista,
dispón de les cifres verdaderes sobre les muertes a manes de
la violencia de xéneru, podéis visitar la so páxina entrando
en:
www.redfeminista.org |
|
(27/7/06) Asoleyamos los nuesos primeros materiales |
   Unes
chapes col llema "Cuidau, el machismu mata, nun seyas
cómplice" y dos relatos: "Lágrimas moradas" y
"Mía". El preciu de los relatos ye de 0'50 € ca un, y
el de les chapes a 1 €. Podéis atopalu nos nuesos puestines,
o mandándonos un mail a:
asociacionalgama@hotmail.com |
|
(26/7/06) "Xorrecer" tará presente na 2º feria
d'asociaciones de Xixón |
|
 Los
díes 27, 28, 29 y 30 tendrá llugar na playa de Poniente la
2º feria d'asociaciones de Xixón. Nestos alcuentros, que
cuntarán con conciertos, charras, debates, vidios, xuegos
populares, etc. les diferentes asociaciones de Xixón podrán
poner un puestín pa informar a la xente. "Xorrecer" taremos
paticipando nesta feria col nuesu puestín los díes Xueves,
Sábadu y Domingu de les 17:00 a 21:00. Si queréis conocer
más sobre la nuesa asociación y facéivos colos materiales
que pondremos nel nuesu puestu, nun dudéis en pasaros per
ehí. |
|
(26/7/06) "Xorrecer" asoleya páxina web |
|
 Dende
güei esta sedrá la páxina web d'Xorrecer. Nella podréis
güeyar tola información rellacionada cola asociación,
aparte de noticies sobre maltratu, documentos,
direcciones de sofitu a les victimes y más coses
d'interés. De momentu la web ta en construcción y pue
tener dellos errores que pronto correxiránse. |
|
|
| |
|
|
| |
| |
| |
|
|
| |
xorrecer.org
|
