|
|
| |
| |
|
NOTICIES |
|
|
|
|
|
>> Nesti apartáu pues
atopar les noticies rellacionaes en tol mundiu sobre'l
maltratu |
|
|
|
(22/6/07)
Deteníu l'ex mozu de la moza atopá muerta n'Avilés |
 La
familia reconoció el cadáver atopáu el xueves pela nueche
na Reigada, en Candamo, comu'l d' Ana Isabel Gutiérrez, la
moza d'Avilés de 30 años, cuyo paraderu desconocíase dende'l
caberu día 14. Tres el atopamientu fuere deteníu el ex mozu
de la víctima.
Teddy
Gutiérrez, hermano de la fallecía, relató qu'identificaron
a la so hermana polos oxetos personales y ropa que sabíen
que llevaba. Comentó que la so ma taba destrozada y pidioyos
a los medios de comunicación que procuraren la tranquilidá
de la familia nos próximos díes. "La mi hermana
apareció muerta y nun sabemos na más", concluyó.
Ensin
embargu, dempués conocióse que fuere deteníu el ex mozu de
la víctima. Al paecer, foi la última persona cola que se
vio a la moza la mesma nueche de la so desaparición. Tuvieron
tomando unes sidres.
El cadáver
de la moza foi atopáu el xueves pela tardi por una persona
qu'avisó al serviciu d'emerxencies 112, qu'a la vez avisó a
la Guardia Civil.
El cuerpu
ensin vida de la moza, cuyo rostru taba desfiguráu, foi
trasladáu esta nueche al tanatoriu del cementeriu de La
Carriona d'Avilés y tá pendiente de que se-y practicara l'autopsia.
Fontes cercanes a la investigación informaron que'l cuerpu
atopábase muy desfiguráu y descompuestu, posiblemente
debido a que llevaba varios díes ensin vida.
La Policía
Nacional venía investigando el casu dende que la familia
denunció la desaparición el caberu sábado. La moza
avilesina desapareció la cabera semana tres tar en compañía
del so ex mozu, la víctima llamó a la so ma la nueche
del xueves 14 pa deci-y qu'iba a cenar a casa pero nunca llegó.
La familia denunció la so desaparición el sábadu y, dende
esi día, la policía tomó declaraciones del ex mozu y del
entornu más próximu de la víctima.
A
úlima hora del día de güei l'arrestáu, J.A.S.A., de 33 años,
reconoció asesinar a Ana Isabel G. T. y l' abandonar
el so cadáver desfiguráu nel municipiu de Cándamo,
onde atopósela ayeri dempués d'una semana dende la so
desaparición.
|
|
(12/6/07)
Un home mata a la so muyer a martillazos y
minutos depués entrégase a la Guardia Civil |
|
L'agresor
que nun cuntaba con denuncies anteriores por malos tratos
confesó el golpear y degollar a la so muyer nel domiciliu
familiar na localidá coruñesa de Cee.
L'home de 64 años d'edá que
na nueche del llunes mató a martillazos a la so muyer, de
66, Lucía Canosa, nel municipiu coruñés de Cee, nun cuntaba
con denuncies ni antecedentes por maltratu según confirmó el
alcalde de la localidá, José Antonio Domínguez García. Ésti
manifestó amás la "sorpresa" tres conocer esti martes los
fechos porque "nun había nengún datu que ficiera esperar
esto". L'autor de la agresión, Natalio Areas, entregóse nel
Cuartel de la Guardia Civil de Corcubión, acompañáu pol so
hermanu, confesando los fechos.
Al paecer, l'agresión
ocurrió depués d'una discusión entre el matrimoniu.
L'asesin
confesó que
sobre les 20.00 hores diera dos martillazos y degollara a
la so muyer nel domiciliu familiar del matrimoniu. Tres
la declaración, dellos axentes desplazáronse al domiciliu de
la pareya onde pudieron comprobar la veracidá de lo relatao.
L'asesín machista pasó la nueche deteníu y pasó a
disposición del xulgáu de guardia de Corcubión.
|
|
(5/6/07) Deteníu por violar a la menor que compró pa
casase |
 La
policía detuvo en Puertu Real (Cádiz) a E. M. O. A., de 40
años, por un delitu d'agresión sexual a una menor. El
deteníu forzó a una adolescente de 14 años con quien se casó
n'África tres comprala a los sos pas. Tamién foi detenía
la madre de la víctima, H. M. C. B., por coaccionala pa que
mantuviera rellaciones col home.
Según les investigaciones policiales, la muyer detenía
coaccionara, baxo amenaces de muerte, a la so fía pa que se
prestara a les demandes del deteníu. Esta muyer llegó a
agredir físicamente a la menor, que nun quiso en too momentu
a acceder a les órdenes de la so madre.
De fechu, l'agresión sexual tuvo llugar
nel domiciliu familiar de la menor, en Cádiz. La víctima
fuere obligada polos sos pas a contraer matrimoniu col
deteníu, 26 años mayor qu'ella. El matrimoniu celebrose
en Mauritania. A cambiu de permitir el casamientu de la so
fía, la familia de la moza recibiera perres.
Tres l'agresión, la menor tuvo que recibir
atención médica. Foi entos cuando la policía de la comisaría
d'El Puertu Real conoció la violación y procedió a la
investigación de los fechos.
La moza había recibió durante varies
xornáes les amenaces y coacciones de la su ma, hasta qu'el
agresor finalmente forzóla a tener rellaciones sexuales.
|
|
(4/6/07) Detienen al xefe de Policía Llocal de Palma
del Río por maltratar a la so muyer |
|
El subinspector xefe de la Policía Llocal de
Palma del Río, Córdoba, Xosé Antoniu B.V, foi deteníu como
autor de malos tratos nel ámbitu familiar. Al paecer los
sucesos ocurrieren mientras disfrutaba d'unos díes de
vacaciones. El conceyal explicó que
los fechos ocurrieren na madrugada del caberu sábadu cuando
la muyer del policía interpuso una denuncia escontra él, que
foi deteníu y trasladáu al Cuartel de la Guardia Civil de
Palma del Río.
A la mañana siguiente Xosé Antoniu B.V.
pasó a disposición xudicial y el xuez qu'instruye el casu na
llocalidá de Posadas dexó-y en llibertá, aunque
remitió un escritu al Ayuntamiento nel que solicita que se-y
retire su arma reglamentaria y que se-y prohíba acercase a
la zona onde guárdanse les armes de fuéu nes dependencies de
la Policía Llocal.
Según l'escrito qu'el xuez envió al
Ayuntamientu, el xefe de la Policía Llocal estaría acusáu
d'un casu de "maltratu nel ámbitu familiar". El conceyal
indicó tamién que se desconoz, pol momentu, si hubo
agresiones físiques o verbales aunque, al paecer,
el deteniú amenazara a la so muyer en
reiteraes ocasiones.
|
|
(4/6/07) Detienen a un home qu'acuchilló a la so muyer
en Cartagena |
|
La Guardia Civil detuvo esta tarde a H.M.,
compañeru sentimental de la muyer de 45 años, I.Z.G., que
falleció esti llunes na llocalidá cartaxenera de La Aljorra
a consecuencia d'una feríaa d'arma blanca nel abdomen, como
autor de los fechos. Fontes de la
Delegación del Gobiernu informaron de que H.M., que convivía
con la víctima, foi deteníu nes inmediaciones de la plaza
d'España, de Cartagena, alrededor de les 18,40 hores.
Los fechos ocurrieron sobre les 13,40
horas del llunes y fueron unos vecinos los que alertaron al
teléfonu 112 de que habíase producío una agresión con arma
blanca.
Hasta el llugar del sucesu desplazáronse
axentes de la Guardia Civil, qu'atoparon a la muyer
tendía nun sofá con dos feries de grandes dimensiones,
nel costáu y brazo izquierdos, dixeron les mesmes fontes,
que señalaron que xunto a ella, nel suelu, atópabase el
cuchillu col que fuere agredía.
Los servicios médicos de la Unidá Médica
de Emerxencies (UME) trataron de reanimala durante el
trasladu al hospital Virxen del Rosell, de Cartagena, a onde
fueron escoltaos pola Guardia Civil, y onde ingresó el
cadáver.
|
|
(3/6/07)
Vitoria: la muyer asesinada ayeri denunciara
hasta en tres ocasiones a la so pareya |
 El
xulgáu de la capital alavesa nun vio necesario pone-y
proteicción.
La muyer
que'l sábadu foi asesinada a cuchillaes a manes del so
compañeru sentimental, en Vitoria presentara al menos tres
denuncies por malos tratos. El xulgáu de la capital
alavesa nun consideró necesario fixar medíes de proteicción.
La
cabera denuncia presentada por Asunción Villalba foi
n'avientu ante la comisaría de la Ertzaintza de Vitoria-Gasteiz.
Entonces pidió proteicción ante les continues palices que
recibía del so compañeru sentimental.
Ensin embargo, un xuez de la capital alavesa nun vio
suficientes motivos pa poner proteicción a esta muyer de 34
años qu'ayeri foi asesinada a puñalaes nel so domiciliu.
Dexa una fía de 19 años.
|
|
(30/5/07) Un home mata a la so muyer a golpes en Ciudá
Real |
|
La Guardia Civil detuvo n'Almagro (Ciudá Real)
a un home, de 33 años, por matar a la so esposa, de 29, con
quien tenía diez fíos de edaes comprendies entre un y ocho
años. El matrimoniu abandonara a la so proxenie,
circunstancia que tradújose na pérdida de la custodia.
L'home acudió a les puertes de la Base de Helicópteros
d'Almagro pidiendo auxiliu, y advirtió que la so esposa
encontrábase en muy mal estáu nel interior de la furgoneta
que aparcara xunto a la instalación militar. Cuando los
axentes de la Guardia Civil presentáronse na base xunto a
una ambulancia sólo pudieron determinar que la muyer, Ramona
Nadia, taba muerta, con numerosos golpes por too el
cuerpu. Por esti motivu foi deteníu como presuntu autor
de los fechos y conducíu al cuartel del institutu armáu
n'Almagro, onde confesó el haber matao a la so muyer.
La muyer fallecida, cuyo cadáver foi
trasladáu al Institutu Forense de Ciudá Real pa se-y
practicada la autopsia, dedicábase a la mendicidá nos
pueblos de la comarca y enxamás denunciara al so maridu
por malos tratos, según confirmó la Subdelegación del
Gobiernu en Ciudá Real.
|
|
(8/5/07) Una moza d'una secta, lapidada n'Irak por
querer casase con un musulmán
|
 La
lapidación d'una moza de 17 años de la secta yazidí -una
antigua minoría relixiosa kurda que venera al Diañu-
recrudeció la violencia nel norte d'Irak. Doaa Aswad Dekhil
enamorose d'un musulmán y convirtiose al islam cola intención
de casase con él. De vuelta a casa, 2.000 persones del so
pueblu, Bashika, cerca de la llocalidá de Mosul, observaron
cómo un grupu d'ocho o nueve homes, de la so familia,
apedreáronla hasta la muerte mientres un vecín anónimu
grababa la escena col teléfonu móvil.
Les semeyes nun tardaron en colase n'Internet y lo que se
güeya n'elles pon los pelos de punta. Una moza morena,
vestida de roxu, intenta evitar les piedres. Ta cubierta pola
so propia sangre. La moza intenta levantase, pero dalguien
empújala y otra persona-y machaca la cabeza con un trozu
d'hormigón. Too indica que'l asesinatu tuvo llugar el 7
d'abril caberu.
"Nunca viéremos n'Irak un incidente d'estes característiques,
tan cruel y fuerte", confirmaba ayeri en Madrí la ministra de
Drechos Humanos d'Irak, Wijdan Mijail Salim. La ministra
aseguró que varios homes fueren deteníos pol asesinatu de la
xoven, pero nun concretó el númberu
VÍDIU DE LA MORTAL PALIZA
|
|
(19/3/07) Deteníu un lucense que puso una pistola na
sien de la so muyer |
|
Un vecín del municipiu lucense de Castro de
Rei -de iniciales F.?L.?L. y de 37 años d'edá- foi deteníu
pola Guardia Civil nes primeres hores de la mañana d'ayeri
como autor d'un disparu efectuáu varies hores enantes nel
interior d'una cafetería de la llocalidá de Castro de
Ribeiras de Lea, perteneciente al mencionáu conceyu de la
comarca de la Terra Chá. El disparu foi a dar escontra el
techu depués de que'l arrestáu apuntara con la pistola a la
so ex muyer na sien. La situación
orixinose cuando la ex muyer de F.?L.?L. entró na cafetería
con un acompañante estando'l deteníu ya nel llocal. En
nengún momentu llegaron a saludase o a entablar diálogu,
según distintes versiones. Pocu depués, F.?L.?L. salió de la
cafetería, a la que regresó casi d'inmediatu. Nesi momentu
dirixiose a la so ex muyer, que trabaya nun negociu de
Castro de Ribeiras de Lea, y colocó-y la pistola na sien.
Varios clientes que taben nel interior del
llocal acercáronse d'inmediatu y consiguieron reducilu. Pese
a too, la pistola llegó a disparase y una bala impactó
escontra'l techu, aunque nun causó graves daños.
|
|
(26/2/07)Detienen a dos hombres por
violencia de género durante el fin de semana en Xixón |
|
Esti fin de selmana foron arrestaos dos homes
por agredir a les sos respeutives pareyes en Xixón.
Nun se saben más datos de momentu sobre si
esisten penes o agresiones anteriores.
|
|
(25/2/07)
L'agresor de la muyer quemada viva en Badalona
abandonó la casa diciendo: "Ya ta. La dexé ardiendo" |
|
Algunos vecinos del inmueble del barriu de
Sant Roc de Badalona, onde vivía la muyer qu'ayeri foi
rociada con un llíquidu inflamable y quemada pol so maríu,
aseguran que l'home, al abandonar la vivienda, afirmó: "Ya lo
fize. Ya ta. Dexela ardiendo". Los
Mossos d'Esquadra detuvieron ayeri a Salvador C. poco dempués
de qu'ésti quemara viva a la so muyer nel so domiciliu al
lanza-y un llíquidu inflamable pola cara y el cuerpu, que-y
provocó quemadures de segundu y tercer gráu nel 85 por cientu
del so cuerpu.
La muyer, de 58 años, permanez ingresada
n'estáu muy grave. Varios vecinos explicaron qu'al mediodía
d'ayeri oyeron glayíos que procedíen del pisu onde vivía el
matrimoniu, xunto a los dos fíos mayores d'edá, y a
continuación presenciaron cómo la víctima salía "ardiendo"
del pisu e intentábase refuxiar na otra punta del rellanu.
Una vecina tiró-y una manta por encima,
mientres qu'otra avisaba a los bomberos, a una ambulancia y a
los Mossos d'Esquadra. El maríu salió entonces del pisu y
abandonó l'inmueble non ensin antes asegurar, según
coincidieron en señalar dos vecinos, que "Ya ta. Ya lo
fize. Dexela ardiendo".
Los dos fíos de la víctima y del agresor,
ambos mayores de edá, presenciaron la discusión e intentaron
detener al so proxenitor, aunque ensin ésitu, pero dempués
facilitaron una descripción física del so pa a los axentes,
lo que permitió la so detención.
|
|
(19/2/06) Un home mata a la so muyer a
navayazos y trata de cortase el cuellu en Madrid. |
|
Una muyer de 34 años murrió esta mañana a
manes del so marido na casa que compartíen nel distritu
madrilano de Villaverde. L'agresor
intentó quitarse la vida llueu cortándose nel cuellu, aunque
foi reanimáu polos servicios d'emerxencia y agora s'atopa
internáu nel hospital.
L'agresor llamó esta mañana a un familiar
pa conta-y que diba a matar a la so esposa. Cuando esti
familiar acudió a la vivienda atopóse a la muyer agonizando
na cocina y l'asesinu feríu nel salón.
Los servicios d'emerxencia atendieron a la
muyer en situación de parada cardiorespiratoria; pesie a los
sos esfuerzos por reanimala, murrió poco dempués. Pol momentu
desconocese si sobre'l home pesaba una orde d'alloñamientu o
si tinía antecedentes por violencia machista.
|
|
|
|
|
|
|
| |
|
|
|
|
|
