|
“Xorrecer” ñaz col
obxetivu de llevar a cabu d’una manera directa, una
llabor de concienciación, denuncia y llucha escontra’l
maltratu en toles sos cares, dende la violencia de
xéneru, fasta’l maltratu infantil.
Dende “Xorrecer” mostramos una denuncia y
rechazu total a que ca añu muerran decenes de muyeres a
manes de los sos maridos, a qu’un home cobre mas perres
qu’una muyer por facer el mesmu trabayu, a que cientos
de neños seyan maltrataos polos sos pas y demás
situaciones de maltratu y discriminación.
Creyemos na necesidá d’algamar una sociedá xusta, educada
n’igualdá y que nun se quede callada, como sucede
anguañu.
“Xorrecer” lluchamos dende la cai, pa
denunciar mediante campañes, charres, manifestaciones,
actos, etc, el maltratu y toles sos repercusiones,
concienciando a la sociedá asturiana, del por qué de les
causes y l’importancia de nun quedase en silencio frenti
a les agresiones.
“Xorrecer” ye una asociación asamblearia y
democrática, toles decisiones tómanse horizontalmente,
ensin importar edá, raza, sexu o condición sexual.
“Xorrecer” ye asturiana, y pesie a denunciar
casos de maltratu en tol mundiu, ofrecemos una rempuesta
dende les fronteres asturianes, lluchando por
concienciar a la sociedá de la nuesa tierra.
“Xorrecer” ta autoxestionada, la nuesa
finaciación ye mediante la participación de los miembros
y la solidaridá de la xente que mos sofite.
Con too esto, ñaz “Xorrecer” pa lluchar
escontra la lacra del maltratu, escontra la
discriminación, escontra esti tipu de torgues que
esisten anguañu y que’l silenciu de la sociedá yos
favorez.
EL TO SILENCIU FAÉTE CÓMPLICE…
¡GLAYA ESCONTRA’L MALTRATU!!!
|
